順等台三線，
行入龍潭，
就看得著一口大陂塘，
這就是係人講个「靈潭陂」。
在好天時，
陂塘水搖搖激激，
金光唧爧在該歡迎您。

這「靈潭陂」
就係龍潭地名个來源，

在陂塘个南片，
有一座弧形个望月橋，
造型當靚，
紅色个橋身合烏色个欄杆，
看起來非常打眼。
望月橋毋會幾嶇，
做得分自行車抑係人行過去，
係講愛欣賞歸隻陂塘景致，
企到這座橋頂高，
無定著還較適合。
過再行落南片，
還有一個「濕生植物池」，
因為佢在內凹个水域肚項，
三片又竹圍包等，
人較少去到，
故所試著當恬靜、自然。